Ondasun Higiezinen gaineko zerga: zer ordaintzen dugu?
Askok ordaintzen dugun zerga bat izanda ere,
ba al dakigu nola kalkulatzen den? Azken aldian aldaketak izaten ari direla eta
dudak sortu zaizkizu? Ondasun Higiezinen gaineko zerga etxe, lokal, pabelloi
edo landalur bat duen pertsonak ordaintzen du; multzo honen barruan bazaude
irakurtzen jarraitzea komeni zaizu.
Lehenik eta behin zerga hau
kalkulatzeko hainbat irizpide kontuan hartu behar dira. Jabegotzaren balio
katastrala hartu behar da alde batetik, hau da ondasun horrek duen balioa.
Horren gain portzentai bat aplikatuko da, udalerriaren arabera desberdina izango
da; Tolosan adibidez %0,2828koa da. Demagun Enekok 120.000€ko balioa duen pisua
duela, %0,2828ko tasa aplikatuta 339,36€ko zerga ordaindu beharko luke.
Zerga honek ordea hobariak ditu, hau da, ordaindu behar denaren gain kontzeptu batzuengatik ehuneko portzentai bat kenduko da. Hobari horien artean familia ugaria izatearena edo Babes Ofizialeko Etxebizitza bat izatearena daude. Imajina dezagun Enekok lau seme-alaba dituela, ondorioz Tolosan %50-%75 bitarteko hobaria izango luke. 339,36€ri %50a kenduko bagenio, 169,68€ko zerga ordaindu beharko luke.
Dagoeneko nola kalkulatzen den
jakinda, noiz ordaindu behar dugu? Urtean behin egiten den ordainketa bat da
eta bere aldia udaletxearen arabera ezartzen da. Adibidez Enekok Tolosan,
16.05.2016 - 30.06.2016 borondatezko epea izan du aurten, helbideratutako
erreziboak borondatezko epearen azken egunean jasotzen direlarik.
ZERGATIK ARI
GARA GUTUNAK JASOTZEN?
Ondasun higiezinen balio
katastralaren kalkulua zaharkitua zegoela eta, Foru Aldundiek kopuruak aztertu
behar zirela erabaki zuten; izan ere 2001tik aldatu gabe zegoen. Hau horrela
maiatzean Tolosako Udalak Gipuzkoako Foru Aldundiak egindako berrikuspena jaso
zuen. Kalkulu hauen arabera ondasun higiezin batzuen balioa igo egin da eta
besteena jaitsi. Tolosako Udalak aldiz homogenizazio falta dela eta beren
bertsioa eman eta Foru Aldundiak bigarren bertsioa aurkeztu eta onartua izan
da.
Honek zer esan nahi du? Zergen portzentaia
berdin utziz gero, Tolosako Udalak zergetatik jasotzen duen diru-iturria jaitsi
daitekeela. Ondorioz, zergen portzentaiak aldatu egin dira diru-iturri hori
mantentzeko, beraz Ondasun Higiezinen gaineko Zergaren portzentaia igo edo
jaitsi badizute, ez larritu!
iruzkinik ez:
Argitaratu iruzkina